Johannes Hahn, eurokomisioneri evropian për zgjerim dhe politikë të fqinjësisë së mirë, është optimist se kriza në Maqedoni “definitivisht” do të zgjidhet.
Ai më 1 janar në blogun zyrtar të Komisionit Europian ka shkruar: “Bazuar në përpjekjet tona të mëdha, unë shpresoj se ne patjetër do ta kapërcejmë krizën politike në ish-Republikën Jugosllave të Maqedonisë”.
Komisioni Evropian ka konfirmuar se komisioneri Hann do të vijë këtë muaj në Shkup. Edhe pse nuk ka datë të saktë se kur do të ndodhë, mediat informuan se datat e mundshme janë 14 ose 15 janar.
Në Shkup atë do e presin një numër i madh i detyrimeve të pa plotësuara të “Marrëveshjes së Përzhinos”. Me vështirësi shumë të madhe dhe pothuajse dy muaj e gjysmë vonesë është formuar Komisioni Shtetëror i Zgjedhjeve.
Ndërsa më 15 janar është afati i fundit për krijimin e qeverisë së re teknike. /tesheshi.com/
