Eurodeputetja belge Assita Kanko këshilloi politikanët sllovenë që të “pushojnë përkohësisht” nga përdorimi i Twitter-it, pas përgjigjeve polemike të përjetuara nga kryeministri slloven Janez Jansa me një cicërimë për “kukullat e Sorosit”.
Kanko vjen nga partia konservatore belge Aleanca e Re Flamane (N-VA). Javën e kaluar, ajo mori pjesë në një delegacion shumëpartiak të udhëhequr nga eurodeputetja holandeze Sophie in‘t Veld, me qëllim kontrollin e sundimit të ligjit, respektimin e të drejtave të njeriut dhe lirinë e mediave në terren.
“Unë mund t’u garantoj kolegëve të mi në Parlamentin Evropian dhe Komisionin Evropian se Sllovenia nuk po bëhet një shtet diktatorial dhe se sundimi i ligjit nuk është gërryer, por toni i debatit publik në Slloveni është shumë i shëmtuar, kështu që unë do t’i këshilloja të gjithë politikanët të bëjnë një pushim nga Twitter,” thaAssito për portalin Politico.
Vlerësimet e saj janë më të buta se ato të Sophie in ‘t Veld, e cila udhëhoqi misionin dhe tha pas vizitës së saj në Ljubljana se institucionet në Slloveni po bënin mirë, por se ajo ishte e shqetësuar për polarizimin e paparë dhe klimën e frikësimit në të cilën disa anëtarë qeverie po merrin pjesë dhe se presioni po rritet mbi organet e pavarura, mediat dhe gazetarët.
Protesta për cicërimën e Jansa-s
Kryeministri slloven Jansa refuzoi të takohej me një delegacionin Parlamentit Evropian. Në vend të kësaj, në një mesazh në Twitter – të cilin i fshiu më vonë – ai i quajti disa eurodeputetë, përfshirë anëtarët e delegacionit, “kukulla” të miliarderit dhe filantropit amerikan George Soros, gjë që solli reagim nga kryeministri holandez Mark Rutte dhe presidenti i Parlamentit Evropian David Sassoli.
Mënyra e komunikimit të Jansa-s u dënua nga partitë e majta opozitare dhe partnerët e tij të koalicionit në qeveri u distancuan nga kjo, duke i bërë thirrje që të kërkojë falje.
Mediat dhe portalet pranë kryeministrit Jansa deklarojnë se misioni “gjetës” i udhëhequr nga eurodeputetja liberale holandeze kishte një përbërje politikisht “të pabalancuar”, se ligjërisht doli jashtë mandatit të saj dhe se ishte rezultat i ndërkombëtarizimit të çështjeve të brendshme.
Siç pretendojnë, opozita e majtë këmbëngul në “nxirjen” e qeverisë së Jansa-s para zgjedhjeve parlamentare, të cilat do të mbahen më së voni në mes të vitit të ardhshëm, megjithëse ka spekulime për zgjedhje të mundshme të parakohshme pasi Sllovenia të përfundojë presidencën e saj në Këshillin e BE-së në fund të këtij viti. /tesheshi.com/
