Kryeministri Edi Rama doli para mediat për të kumtuar e sqaruar në detaje atë që e quan sukses të Shqipërisë në tregjet ndërkombëtare, sigurimin e një eurobondi financiar në kuota të kënaqshme. Sipas tij, kjo u mundësua nga Rothschild-ët.
Shefi i qeverisë lexoi mesazhin e ardhur nga Banka Rothschild, e cila kishte marrë përsipër negociimin për Shqipërinë.
“I dashur kryeministër kemi mbyllur bashkë me kolegët emisionin e eurobondit, 650 mln për 7 vjet me 3.625% interes”, lexoi Rama një pjesë të mesazhit.
Siç dihet, Familja Rothschild, e njohur si Dinastia Rothschild është një dinasti evropiane me origjinë hebreje gjermane që themeloi filiale financiare dhe bankash nga fundi i shekullit të 18-të, raporton Shqiptarja.com.
Kjo është hera e dytë që ata kontribuojnë në Shqipëri.
Vite më parë, Rothschild do krijonin një fondacion me të njëjtin emër, duke investuar dhe promovuar Parkun e Butrintit. Që aherë, koha e Nanos në qeverisje, Butrini u përfshi në axhenda turistike dhe hyri fuqishëm në tregun turistik botëror.
Duke iu kthyer eurobondit, Rama e vlerësoi këtë hap si një nisje e atij që e quan “Shqipëria 2013”, një projekt i fuqishëm ringritjeje ekonomike.
“Ne kemi marrë dje një lajm shumë të mirë nga tregjet e kapitaleve dhe fakti është që kemi arritur një rezultat që na inkurajon jashtëzakonisht shumë dhe që garanton planin e ri kombëtar Shqipëria 2030 për një transformim të mëtejshëm ekonomik dhe social duke adresuar rindërtimin, rimëkëmbjen, sepse Shqipëria ndryshe nga vendet e tjera, del nga dy goditje si dhe ambicien tonë për një shtysë tonë përpara të ekonomisë dhe punësimit në vitet e ardhshme. Sapo ne të jemi gati në javët në vijim me planin e ri kombëtar do të kemi një event të vecantë të prezantimit”, tha Rama.
Në këtë kuadër, ai potencoi dhe zerimin e taksave për biznesin e vogël.
“Brenda këtij sesioni biznesit të vogël ti themi nuk ke taksa, zero TVSH, je në pozicionin që respektohesh për punën dhe aleat i shtetit për të mbajtur kontrollin mbi biznesin e madh, që të voglin e përdor për evazion. Nuk do të ketë më inspektorë të dera. Njerëz të lirë. Nuk e ka asnjë vend”, theksoi Rama. /tesheshi.com/
