Sipas kursit zyrtar të këmbimit valutor të Bankës së Shqipërisë, një euro u këmbye sot me 134.54 lekë, 0.1 lekë më shumë se një ditë më parë dhe duke arritur një tjetër rritje të lehtë që nga data 22 dhjetor ku 1 lek u këmbye me 134.39 euro.
Gjatë muajit dhjetor, euro ka pasur luhatje të vazhdueshme në kursin e këmbimit me monedhën vendase duke sjellë mbiçmim të lekut. Disa nga arsyet e mbiçmimit të lekut ndaj euros janë:
Kultivimi dhe tregtimi i kanabisit ka rritur sasinë e valutës së huaj (euro) në treg. Gjithashtu, me ardhjen e emigrantëve në periudhë festash, pritet shtimi i mëtejshëm i saj por, kjo rritje është sezonale.
Kjo ofertë e lartë e euros në treg, ka sjellë mbiçmim të monedhës vendase dhe si pasojë produktet shqiptare janë bërë më të shtrenjta në krahasim me produktet e vendeve të tjera. Situata e krijuar nuk është favorizuese për eksportet shqiptare.
Pavarësisht tendencës rritëse të euros kundrejt lekut, në periudhë afatgjatë euro do të jetë në vështirësi.
Bankat italiane janë në krizë, borxhi grek është i pakontrollueshëm dhe kërcënimi i partive konservatore të djathta duke marrë pushtetin në vendet me ndikim në politikën e BE-së dhe dalja e këtyre vendeve nga BE, mund të shkaktojë trazira serioze ekonomike dhe rënie të ndjeshme të monedhës euro në bursat ndërkombëtare. /tesheshi.com/
