Shqipëria suprizoi që në sekondat e para të përballjes së parë në Euro 2024, përballë Italisë kampione në fuqi, por lumturia zgjati vetëm pak. Italianët rikuperuan shpejt me dy gola të shpejtë, duke kaluar në epërsi, e kësisoj, shndërruar golin e Nedim Bajramit në thjesht aksidental.
Kjo sepse përgjatë gjithë lojës e deri në fund, përveç një rasti të Manajt në minutat e fundit, Shqipëria ishte dukshëm anemike përballë një Italia që mund të kishte shënuar më tepër se dy gola.
Pra, humbja 2-1 mund të quhet dhe fat, në raport me mundësinë e një rezultati më të thellë, pasi italianët fare lehtë arrin te zona e kuqezinjve, ku pothuajse shumica e sulmeve bartnin rrezikun e golit në portën shqiptare.
Ngushëllues mbetet dhe fakti se në përballjen tjetër të grupit, Spanja çmontoi Kroacinë 3-0.
Tashmë mbetet të shihet se Shqipëria mund ta përballojë Spanjën, e cila nuk njehg mëshirë kur është fjala për ekipe modeste. /tesheshi.com/
