Edhe pse tashmë refoma në drejtësi ka marrë dritën jeshile për zbatimin në praktikë, jehona për bllokimin e saj pas ankimit të fundit në Kushtetuese nga ana e e shoqatës së gjyqtarëve, vijon të ngjallë interesim në qarqe ndërkombëtare, politike e mediatike.
Ka qenë “Eureporter” që i ka kushuar një hapësirë Shqipërisë dhe shqetësimit që është krijuar në Bruksel dhe Uashington në lidhje me përpjekjet për bllokimin e reformës në drejtësi.
Gazetari Martin Banks ka shkruar se reforma në drejtësi është kusht për hapjen e negociatave, dhe pas bllokimit 3-mujor si rezultat i bojkotit të opozitës, tani kjo reformë ka marrë një tjetër goditje duke u çuar në Gjykatën Kushtetuese, gjë që ka sjellë një shqetësim ndërkombëtar.
Më tej “Eureporter” citon një zëdhënës të Shërbimeve të Jashtme të BE-së, i cili deklaron se reforma që është shumë e nevojshme në sistemin e drejtësisë, po sulmohet sërish. “U bëjmë thirrje të gjitha partive të përfundojnë krijimin e institucioneve të vetingut. Sulmi ndaj reformës, në vend të zbatimit të vetingut me monitorimin e ngushtë të ONM, dëmton të tashmen dhe të ardhmen e Shqipërisë”, deklaroi ai.
Jashtë vëmendjes së shkrimit nuk kanë mbetur edhe zhvillimet brenda partisë më të madhe të opozitës, asaj Demokratike pas hartimit të listave të kandidatëve për deputetë. Gazetar Banks ka zhvilluar një intervistë me një figurë të rëndësishme brenda PD-së, aktualisht deputet, i cili e cilëson kryetarin Basha një “autokrat të vogël”. Deputeti akuzon Bashën se u përpoq t’u mbyllte gojën kritikëve. Në shkrimin e “Eureporter” theksohet se ata që mbështetën reformën në drejtësi përballë Bashës, paguan çmimin.
Gazetar Martin Banks citon deputetin demokrat se janë të paktën 10 figura të rëndësishme në PD të cilët kanë folur kundër lidershipit të partisë dhe që për shkak të kësaj janë lënë jashtë listës së kandidatëve për deputet.
“Eureporter” thekson se jashtë listës janë lënë një ish-minister integrimi, Një ish-kryetare e Parlamentit, një ish-kryetar i PD-së si dhe një ish-ministër i Financave. /tesheshi.com/
