Një eufori kuqezi është shfaqur në prag të përballjes me kampionët e botës, Francën, në kuadër të Europianit 2020.
Ka qenë Bekim Balaj ai që u shpreh se me “gjelat” do kërkohet pikë.
“Të bëjmë paraqitje të mirë dhe të pretendojmë të marrim pikë edhe atje. Sigurisht ne me Francën kemi eksperiencë pozitive dhe për këtë arsye kemi një lloj detyrimi të marrim pikë edhe atje. Nuk është aspak e lehtë por do të provojmë”, tha njeriu që dikur i bëri gol Portugalisë së Ronaldos.
Pas tij, portieri Tomas Strakosha tha se dy ndeshjet hapëse për eliminatorët e Europianit do jenë test për Shqipërinë.
“Këto dy ndeshje do të tregojnë nëse jemi për kualifikim apo jo. Ne s’duhet te mbingarkohemi, të stërvitemi dhe më pas të shohim çfarë do të ndodhi. Te dyja ndeshjet janë shumë të rëndësishme për ne”, tha Strakosha. /tesheshi.com/
