Ministri italian i Sportit Vincenzo Spadafora thotë se 4 maji mund të jetë data për rinisjen e aktiviteteve sportive në Itali, raporton ANS.
“Shenjat e kohërave më të mira po shfaqen, por situata është ende dramatike,” tha Spadafor.
Ai foli pasi qeveria italiane zgjati masat për të luftuar koronvirusin deri në 3 maj.
Italia është një nga vendet më të prekura në pandeminë në të cilën kanë vdekur 18.849 njerëz, por shifrat e fundit tregojnë se numri i të infektuarve dhe të vdekurve po zvogëlohet.
Përveç nxitjes së qytetarëve dhe sportistëve që të qëndrojnë në shtëpitë e tyre për të përballuar epideminë në Itali, ministri i sporteve u bëri thirrje federatave italiane të sporteve që të përcaktojnë protokolle sanitare për të garantuar sigurinë e sportistëve kur kthehen në stërvitje.
Nëse konfirmohet, fillimi i majit do të sillte një vazhdim në kampionatin italian të Serie A të futbollit me 12 raunde të mbetura. Besohet se mund të përfundojë deri në fillim të gushtit. /tesheshi.com/
