Presidentja e Komisionit Evropian Ursula von der Leyen ka njoftuar se BE do të blejë 100 milion doza shtesë të vaksinës COVID-19 nga Pfizer dhe BioNTech.
“Pra, ne do të kemi 300 milion doza të kësaj vaksine që është vlerësuar si e sigurt dhe efektive”, postoi Von der Leyen në Twitter.
Vaksinat nga Pfizer dhe BioNTech janë të parat dhe deri më tani të vetmet të aprovuara për përdorim në BE.
Vaksinimi në Bashkimin Evropian filloi më 27 dhjetor.
Vaksina Moderna pritet gjithashtu të miratohet në fillim të janarit.
BE ka nënshkruar gjithashtu marrëveshje të prokurimit të vaksinave me AstraZeneca, Johnson & Johnson, Sanofi dhe CureVac. /tesheshi.com/
