Në një tentativë të dukshme për t’u faktorizuar fuqishëm politikisht, tashmë që Kosova është dhe përballë zgjedhjeve të reja të mundshme, presidentja në detyë e Kosovës Vjosa Osmani përcolli një mesazh ku i mëshon fort tezës se genocidit serb në Kosovë. Aty, ajo kërkon ndihmë ndërkombëtare mbi këtë aspekt delikat të se djeshmes, por po aq dhe të sotmes.
“Gjatë gjithë historisë sonë, populli i Kosovës vazhdimisht ka demonstruar një dëshirë të madhe për paqe, stabilitet dhe drejtësi. Ndërsa paqja është arritur, lufta për të vërtetën ende vazhdon. Pas më shumë se dy dekadash, plagët e Kosovës nuk mund të shërohen pa drejtësi”, tha Osmani në një video-mesazh në Facebook, duke vijuar më tej: “Nisur nga kjo, ne kërkojmë mbështetjen tuaj në ndjekjen tonë për drejtësi për krimet e luftës dhe gjenocidin serb, si dhe në kërkimin tonë për përgjegjësi për personat tanë të zhdukur”.
Për Osmanin, “ende sot kemi prindër që dëshirojnë të dinë vendndodhjen e mbi 1,600 kosovarëve të zhdukur”.
Kujtojmë se ditë më parë, kjo politikane e re, e cila nga LDK-ja po zhvendoset drejt frymës së VV-së së Albin Kurtit, realizoi një vizitë të debatueshme në Tiranë, duke luajtur fort karta politike me kauzën kosovare. /tesheshi.com/
