Kjo është dita e fundit rraskapitëse e fushatës, për mbajtjen e referendumit popullor në Itali. Kryeministri, Matteo Renzi nuk i ka lejuar vetes për asnjë moment pushimin gjatë kësaj periudhe dhe ka shprehur besimin se do ta kalojë me sukses këtë garë.
“Është një sfidë e vështirë, por ne mund t’ja dalim. Ata mund të humbasin këtë sfidë. Ne mund të sjellim në shtëpi këtë rikthim spektakolar”, tha kryeministri Matteo Renzi.
Ai ka vijuar duke thënë se: “ka një pjesë të madhe e qendrës që është me ne, dhe do t’a ndryshojmë këtë vend së bashku. Pra, me suksesin e “Po-së”, Italia do të jetë lider në Evropë”.
Kryeministri Renzi ka premtuar se do të japë dorëheqjen nëse humbet në referendum, ndërsa sondazhet paraprake flasin për një humbje, çka do të thotë më pas edhe rrëzim të qeverisë së tij. Por nëse sondazhet nuk rezultojnë të vërteta, dhe italianët i thonë po referendumit të Renzit, kryeministri Italian fuqizon pozitat e tij në qeverisje përballë opozitës së djathtë që kryesohet nga Lëvizja 5 yjet.
Kjo është edhe arsye që drejtuesi i kësaj lëvizje komediani Beppe Grillo u kërkon bashkëkombasve të tiji të votojnë kundër këtyre ndryshimeve kushtetuese në Renzit duke votuar jo në referendum./tesheshi.com/
