Dikush ka dashur të hapë një problem të ri në Kosovë, duke e futur në konflikt me aleatin më të rëndësishëm që ka e që është Turqia. Segmente të rrezikshme në Kosovë kanë sulmuar konsullatën e këtij vendi në Prizren me anë të bombave molotov.
Lajmin e ka konfirmuar kryeprokurori i Prokurorisë Themelore të Prizrenit, Sylë Hoxha.
“Po, rreth orës 4:00 të mëngjesit të sotem objekti i Konsullatës së Turqisë në Prizren është sulmuar, ku janë shkaktuar dëme të vogla materiale dhe nuk ka persona të lënduar. 5 persona janë daluar si dhe të njejtëve u është shqiptuar masa e paraburgimit prej 48 orëve. Hetuesit e policisë shkencore kanë dalë në vendngjarje, kanë grumbulluar prova dhe ekspertiza do të përcaktojë se me çka është sulmuar ky objekt”, ka thënë Hoxha.
Sipas tij, hetuesit policorë të Drejtorisë Rajonale të Policisë së Kosovës dhe Prokuroria kanë ndërmarrë veprimet e nevojshme lidhur me hetimin e rastit dhe si pasojë e tyre tashmë janë ndaluar pesë persona të dyshimtë për këtë rast.
Komuna e Prizrenit, një qytet u jeton edhe një komunitet turkfolës dhe ka një marrëdhënie të rëndësishme me Turqinë ka vendosur të dy flamurët si shenjë miqësie. Por disa vandalë kanë hequr flamurin turk, duke ngritur tensionin artificial. /teshesh.com/
