ETA ka vendosur të çarmatoset plotësisht prej 8 prillit të muajit të ardhshëm. Vendimin ia bërë të ditur gazetës Le Monde një aktivist bask francez, ndërsa Inigo Urkullu, një anëtar i Partisë Nacionaliste Baske, konfirmoi se ky vendim qe marrë që të mërkurën.
“Ne kërkojmë komunikim dhe seriozitet nga qeveria franceze dhe spanjolle. Objektivi do të jetën një akt historik, që e kemi pritur prej vitesh,” tha Urkullu në një konferencë shtypi.
Grupi separatist njoftoi një armëpushim të përhershëm gjashtë vite më parë, por kushtëzimi i çarmatimit me të ardhmen e anëtarëve të tij i bëri qeveritë e Spanjës dhe të Francës që ta refuzojnë pjesëmarrjen në të. Nga ETA është kërkuar prej të dy vendeve që të ulë armët pa kushte dhe të shpërbëhet.
E krijuar në vitin 1959, ETA është përgjegjëse për vrasjen e qindra njerëzve gjatë katër dekadave që kërkoi në mënyrë të dhunshme krijimin e një hapësire të mëvetësishme baske mes veriut të Spanjës dhe jugperëndimit të Francës.
Kryeministri spanjoll, Mariano Rajoy, nuk la të premten asnjë shpresë për ndonjë lëshim.
“ETA ka zgjedhur të çarmatoset në mënyrë të njëanshme. Duhet ta bëjë këtë dhe duhet të shpërbëhet,” deklaroi ai në një takim partiak. /tesheshi.com/
