Përmbyset koalicioni i partive shqiptare në Ulqin dhe tashmë është miratuar marrëveshje me një parti malazeze.
Bëhet fjalë për qeverisjen e partisë shqiptare Forca dhe Partisë Demokratike të Socialistëve të Milo Gjukanoviq.
Sipas njoftimeve të mediave malazeze, mësohet se Forca dhe DPS kanë arritur marrëveshje për formimin e qeverisjes së re ku përveç këtyre dy partive në qeverisje do të jenë edhe Unioni Demokratik i Shqiptarëve dhe koalicioni i partive tjera shqiptare që iu prinë Partia Demokratike e Fatmir Gjekës.
Sipas kësaj marrëveshjeje, mësohet se i pari i komunës së Ulqinit do të jetë Nazif Cungu nga Forca, kurse kryetar i Kuvendit të Ulqinit do të jetë Loro Nrekiqi nga DPS.
Po ashtu, sipas marrëveshjes, DPS do të marrë edhe nënkryetarin e komunës si dhe sekretariatet më të rëndësishme, siç janë ato të Financave dhe Urbanizmit. /tesheshi.com/
