Është një nga zvarranikët më të rrezikshëm në botë dhe do të mund të dëmtonte shumë lehtësisht një fëmijë. E tillë është edhe Alisha Mae, një fëmijë i moshës 2 vjeçare, e cila përqafon dhe puth këtë zvarranik, di ta kishte mikun e saj më të mirë.
Shikojeni se si e ledhaton, pa pasur aspak frikë. Kafsha është një piton Burmez dhe vërtitet rreth trupit të vajzës në mënyrë shumë të kujdesshme. Ju bën përshtypje kjo skenë? Në fakt të gjithë habiten nga ajo që shikojnë, por me sa duket, vajza e vogël ndodhet në duar të sigurta.
Pitoni quhet Austin dhe është 8 vjeç. Ai bën pjesë në familjen e të voglës Alisha, pavarësisht se është një kafshë shumë e rrezikshme për 2-vjeçaren.
Familja në fjalë përbëhet nga 19 gjarpërinj, nga Rob Cowan, kryefamiljari, e dashura e tij dhe fëmijët. Ata jetojnë në Bradford, në West Yorkshire dhe janë të lumtur, bashkë me kafshët që posedojnë.
Cowan siguron se “Austin është një gjigant i mirë që adhuron të vijë vërdallë nëpër kopsht dhe është shumë i ëmbël. Çdo natë, kur Alisha Mae dhe vëllai i saj 10 vjeçar duhet të shkojnë në shtrat, përshëndesin më parë gjarpërinjtë, por Austin ngelet i preferuari i tyre”.
Sipas Cowan, këta gjarpërinj nuk janë dhe aq të rrezikshëm sa thonë. “Faji është i pronarëve që i mbajnë gjithmonë gjarpërinjtë të mbyllur në kafaze, çka i bën nervozë. Kur gjarpërinjtë janë të lirë të lëvizin, ata janë më të qetë”./tesheshi.com/
