Albert Bunjakut i kanë mbetur edhe dy ndeshje për të drejtuar kombëtaren e Kosovës, ndërsa duket se FFK po kërkon një teknik tjetër.
Fadil Vokrri po shqyrton opsionet e mundshme, ku njëri është Srecko Katanec.
Sipas gazetës “Olle”, Katanec aktualisht drejton kombëtaren e Sllovenisë, e cila gjendet në vendin e dytë në grupin e saj. Nëse gjërat shkojnë mirë, atëherë Sllovenia ka një shans për të shkuar në botërorin “Rusia 2018”. Në të kundërt, ai mund të nisë bisedimet me FFK-në, edhe pse ka një kontratë që skadon në 2022 me kombëtaren e vendit të tij.
Katanec në vitin 2002, kishte kualifikuar Slloveninë në Kampionatin Botëror.
Në kohën si futbollist, ai ishte bashkëlojtar me Fadil Vokrrin, kur që të dy luanin me Partizanin e Beogradit. /tesheshi.com/
