Tristan da Cunha është ishulli më i largët i banuar në botë. Qyteti më afër tij, i njohur si qyteti Capo në Afrikën e Jugut ëshët 2816 kilometra larg. Në këtë ishull nuk ka aeroport dhe gjithsej jetojnë 268 banorë. Prej tyre, 23 janë nxënës, por nuk kanë një mësues. Tani, në ishull kërkohet në mënyrë të dëshpëruar një mësues. Ata që janë të interesuar mund të dërgojnë një kurrikulum që prej këtij momenti.
Natyrisht, të gjithë aplikantët duhet të marrin parasysh se mbi të gjitha do të jenë për një kohë të gjatë larg botës. Në lajmërim shkruhet: “Mundësi për të dhënë mësim në një komunitet unik e për të bërë një ndryshim real për shkollën tonë. Udhëtimi do të jetë epik dhe do të priteni nga një komunitet shumë miqësor. Kërkohen aftësi profesionale dhe personi të jetë i hapur ndaj aventurave, çka do t’i ndihmojë të integrohen dhe të adaptohen me jetesën në një vend kaq të largët”.
Disa detaje për ishullin më të largët
Është krijuar nga një erozion vullkanin në Oqeanin Atlantik dhe është zbuluar nga eksploruesi portugez Tristão da Cunha në vitin 1506. I përket kurorës britanike prej vitit 1816. Nga eksploruesit është cilësuar si një vend ku është vështirë të jetohet, për shkak të peizazhit malor, mungesës së një porti, mungesës së tokës bujqësore dhe kohës së keqe në çdo stinë. E megjithatë, siç shkruhet në sajtin zyrtar, edhe sot e kësaj dite është i banuar pavarësisht vështirësive./tesheshi.com/
