Është veçuar më në fund një emër që trë mund ta drejtojë PD-në, një forcë historike gati në shpërbërje, e cila vuan ndër të tjera dhe për emra imponues që mund ta revolucionarizojnë, ose ndryshe ç’berishizojnë, për të bërë dero diku konkurruese me PS-në e Ramës, siç dhe ka qenë tradicionalisht në 30 vjet.
Është Majlinda Bregu, një ish-gazetare dhe ish-ministre, e cila ndryshe nga çdo figurë tjetër në PD ka tjetër artikulim, tjetër sharm politik, tjetër etikë politike. Ndër të tjera ka një bashkëshort ish-të burgosur politik, regjisorin Namik Ajazi.
Emrin e saj e ka artikuluar gazetari Martin Leka, duke thënë se “Majlinda Bregu do ishte një kryetare fantastike e PD, për të cilën nesër do votoja unë”.
Siç dihet, Majlinda Bregu drejton një instancë rajonale me qendër në Sarajevë, siçc është ajo e Sekretaresë së Përgjithshme të Këshillit të Bashkëpunimit Rajonal(RÇ).
Në qeverinë Berisha 2 ishte ministre Integrimi, por duke bërë diferencën në shumë plane me kolegët e saj qeveritarë dhe në PD.
Gjithsesi, nuk dihet nëse mund të krijojë frymë ndryshimi, deri në pikën e sa të rrezikojë rrëzimin e Ramës e kthimin e PD-së në pushtet, gjithmonë nëse do merrte drejtimin e opozitës, por si performancë publike e politike, është padyshim më lart se çdo figurë në PD. /tesheshi.com/
