U deshën plot dy javë por më në fund Koreja e Veriut publikoi opinionin e saj zyrtar në lidhje me Brexit – e me sa duket i gjithë faji është i Amerikës.
Në një editorial të publikuar në gazetën shtetërore, Rodong Sinmun, dilet në përfundimin se 52 për qind e votuesve britanikë anuan për largimin nga Bashkimi Europian pasi ata janë humbur “shpirtin origjinal”.
Artikulli i titulluar “Bashkimi Europian, konfuz” argumenton se BE ishte krijuar për të kundërballancuar “sistemin monolitik imperialist të Shteteve të Bashkuara”, por tashmë ka humbur rrugën dhe ka nisur, në vend të kësaj, të mbështesë Amerikën në politikën e saj të jashtme “kokëkrisur”.
Një gjë e tillë si pasojë ka sjellë “trazira shkatërruese, luftëra të përgjakshme civile dhe kaos anarkist” në Lindjen e Mesme dhe “fluks të pafund refugjatësh” drejt Europës, sipas një ekstrakti të nxjerrë e të përkthyer nga “NK News”.
Shteti izolacionist është i mirënjohur për sulmet e tij verbale ndaj armiqve, por vëzhguesit e Koresë e Veriut nuk janë fare të habitur që edhe një herë më shumë, i gjithë faji bie mbi derën e Uashingtonit.
Ja një kujtesë e shkurtër sesi Peniani ka reaguar për lajme të tjera të rëndësishme në botë, që nga sulmet terroriste deri tek ndryshimet klimaterike.
Dhuna policore në SHBA
Shtetet e Bashkuara janë “për turp” dhe “një turrë qesharake botërore”, shkroi agjencia shtetërore e lajmeve KCNA pasi policia qëlloi një adoleshent të paarmatosur, Michael Brown e që nxiti protesta të qytetin e Fergusonit në vitin 2014.
Duke shfrytëzuar maksimalisht ngjarjen, Koreja e Veriut shkoi deri atje sa t’i etiketonte Shtetet e Bashkuara “një varrezë të të drejtave të njeriut”, duke apeluar Uashingtonin të zgjidhë problemet në shtëpi, përpara se të dënojë të tjerët. Vetëm gjashtë muaj më herët, Kombet e Bashkuara kishin akuzuar Korenë e Veriut për abuzime me të drejtat e njeriut të krahasueshme me ato të nazistëve gjermanë.
Lufta e Irakut
Ndërsa lordi Chilcot publikoi përfundimet e shumëpritura të hetimit për luftën në Irak, që rezulton se Britania e Madhe nxiti “veprimin ushtarak kur alternativat paqësore nuk ishin shfrytëzuar deri në fund”, ia vlen të shihet sesi reagoi Koreja e Veriut.
Sipas “NK News”, pushtimi i 2003 në Irak, frikësoi liderin e atëhershëm të Koresë së Veriut, Kim Jong-il, që u siguria në një strehim nëntokësor nga “ekipi elitë i sigurisë”. Implikimet ishin kaq kthjelluese për Korenë e Veriut – nëse Shtetet e Bashkuara do të shkonin përtej ndryshimit të regjimit në Irak, a do të ishte Peniani objektivi i radhës?
Përgjigja e Kim? Zhvillimi i mëtejshëm i programit të armëve bërthamore.
11 Shtatori 2001
Koreja e Veriut befasojnë me reagimin miks që kanë kur vjen puna për sulmet terroriste në territorin amerikan. Ata publikuan ngushëllime kur ndodhën sulmet mbi kullat binjale në Nju Jork, nga dy avionë më 11 shtator 2001, e që vranë rreth 3 mijë persona. Por, megjithatë, këtë vit ata publikuan një artikull ngjethës ku paralajmëronin se një sulm bërthamor koreano-verior në territorin amerikan mund të shkaktonte akoma edhe më shumë dëme.
“Një luftë finale do të fshijë vendin nga historia, duke mos lënë kohë as për pendesë”, premtonte artikulli, edhe pse eksperti koreano-verior Daniel Pinkston tha për “NK News” se këto kërcënime me gjasa synonin audiencën e brendshme si një mënyrë inkurajimi për ta për të mbështetur propagandën qeveritare.
Ndryshimet klimaterike
Herë të tjera, Korea e Veriut ka qenë një promovuese e habitshme e çështjeve globale. Pavarësisht, se denoncuan raportin e OKB-së për gjendjen e të drejtave të njeriut në vendin e tyre, shteti ishte mjaft i lumtur të bashkëpunonte me agjencitë e OKB-së për ndryshimet klimaterike, duke mbështetur edhe kornizën globale. Por përse? Sipas “Bisedimeve” është në interes të shtetit: jo vetëm pse Koreja e Veriut është e prekur nga moti ekstrem, por edhe se pasojat do të jepnin si përfundim minim nga brenda të kontrollit të shtetit.
Përgatiti: Juli Prifti – /tesheshi.com/
