Djaloshi me duart më të mëdha në botë i është nënshtruar një operacioni shumë të rrezikshëm për të vendosur përmasat normale në njërën prej tyre.
Mohammad Kaleem, djaloshi 8-vjeçar ka një problem të rëndësishëm me duart e tij, të cilat janë gjigante sa një fletë palme. Kjo për shkak të një sëmundje të njohur si macrodactyly, ose gjigantizmi i lokalizuar në një pjesë të trupit.
Gjendja në të cilën ai ndodhet ka bërë që duart e Mohammad të rriten shumë shpejt. Prindërit e djaloshit kanë pasur përherë frikë se ai nuk do të kishte kurrë një jetë normale si gjithë të tjerët në Indi, por tani, falë një ekipi mjekësor shumë bujar në jug të vendit, dora e tij e djathtë është operuar.
“Pasi vizitoi Khaleem, Dr Sabapathy na dha shumë shpresë. Ai ishte i pari që na bëri të ditur se për tim bir dhe sëmundjen e tij kishte një zgjidhje”,- tha Haleema Begum, nëna e Kaleem.
Një ekip xhirimi është duke realizuar një dokumentar në Channel 5. Ata kanë ndjekur familjen e djalit me duar gjigante në udhëtimin e tyre mijëra milje larg fshatit të tyre në Tamil Nadu për të takuar Dr Raja Sabapathy dhe ekipin e tij të ekspertëve të kirurgjisë në Ganga Hospital, Combiatore.
Kaleem i është nënshtruar shumë operacioneve të vështira por me ndihmën e fizioterapive po nis të përdorë sërish dorën e tij.
“Ne vendosëm të nisim punën me njërën dorë në fillim. Ishte një sukses si operacion dhe ne bëmë më të mirën e mundshme”,- tha mjeku.
Shamim tani është shumë optimist se i biri më në fund do të mund të ketë një jetë normale dhe do të mund të shkojë në shkollë, si gjithë moshatarët e tij, pasi të përfundojë edhe operacioni në dorën tjetër./tesheshi.com/
