Ben Blushi tashmë është jo thjesht një rival i Edi Ramës brenda PS-së, por një kundërshtar i pritshëm me një parti të re të së majtës, ku enigmë mbetet emri dhe njerëzit që do të marrë me vete nga selia rozë.
Kohët e fundit, një nga armët e Ben Blushit është pikërisht marrja e “të fortëve” dhe mbështetja tek ata në politikën e marrjes së votave, siç është rasti i Elvis Rroshit apo edhe të tjerëve.
Po Ben Blushi, në veprimtarinë e tij politike ka qenë qelibar?
A ka takuar dhe mbështetur grupe apo njerëz të nëntokës së politikës?
Në fakt duke parë karrierën e Blushit, sidomos atë kreshendo, del se shkrimtari më i ri i socialistëve, ka qenë pushtetari që ritrazoi apo bëri “deal” me nëntokën në qytetin më të qetë të Republikës siç është Korça,
Nga viti 2003-2009 Ben Blushi u bë “Zotëria” i vërtetë i Korçës: nga Prefekt, deputeti numër një, në vendin ku ndodhën vrasjet e rënda e të pazbardhura siç janë ato të basketbollistëve.
Dhe pse nuk është cingruar shumë kjo plagë, Korça e pas vitit 2002 pati një riaktivizim të revanshizmit religjoz që solli një ridalje në skenë të të ashtuquajturit “grup të pesë dyqaneve”, i cili ishte një bandë e egër e përbërë nga vrasës e keqbërës që kontrollonin biznesin e u bënë njësh me politikën.
Nga viti 1990 deri në 1996, “Pesë Dyqanet” ishin në hije edhe pse u bënë krime të tmerrshme.
Por Agron Musaraj, Ministri i Brendshëm i asaj kohe, dërgoi në qytetin e Korçës, Pëllumb Korfuzin, një komisar me dorë të fortë me profesion inxhinier miniere, që vuri rendin duke përdorur metodat e ustallarëve të vjetër.
Por me largimin e “Katanit” siç i thërrisnin Fortuzit, u rigjallëruan bandat e vjetra të Korçës, me të ashtuquajturët bandat e pesë dyqaneve.
Aq i fortë ishte ky grupim sa dhe Athina e cilësoi Korçën investim strategjik sponsorizuar zgjedhjet e mbi katër deputetëve vllahë, në një zonë ku myslimanët ishin shumicë.
Ben Blushi në këtë kohë u dërgua nga Fatos Nano si prefekt i Korçës, nga ku nisi lobimin për tu zgjedhur deputet i qytetit, pikërisht zonës ku lulëzonte “Banda e Pesë dyqaneve”.
Në kohën kur kanë ndodhur vrasjet dramatike të dy basketbollistëve Sokol Jahollari dhe Rafael Riza, Blushi ka qenë njeriu më i fuqishëm i Korçës. Madje edhe kryeprokurori i Korçës, Vangjel Tanellari, një person i lidhur me fije të Bandës së Pesë Dyqaneve, nga politika u komandua kur fshehu provat dhe sot e kësaj dite, basketbollistët nuk kanë një faktor të akuzuar për vrasjen e tyre.
Ajo vrasje që tronditi tërë Korçën dhe që e di qyteti mbarë, ndodhi pikërisht si pjesë e klimës revanshiste.
Ben Blushi në atë kohë nuk doli asnjë fjalë për vrasjen e basketbollistëve dhe bandën e çobenjve, siç quhet ndryshe banda e pesë dyqaneve…/tesheshi.com/
