Quhet William Jewell, është një djalosh anglez i moshës 21 vjeçare dhe studion për ekonomi. Që në moshë shumë të re ai ishte personi më i gjatë i familjes së tij. Në moshën 13 vjeçare ishte 7 centimetra më i gjatë se moshatarët dhe sot, në moshën 21 vjeçare është 215 centimetra i lartë.
Gjatësia e tij, siç mund ta imagjinoni lehtësisht, përveç se e bën të duket si një gjigant mes njerëzve, i shkakton edhe shumë probleme, siç është nevoja për të pasur shtratet me porosi, apo problemi në gjetjen e veshjeve.
Që kur ishte i vogël vuante për shkak të karakteristikave të tij trupore, duke qenë se nuk mund të vishte rroba të njëjta me bashkëmoshatarët e tij dhe ishte i detyruar të blinte veshje për të rriturit. “Njerëzit ndalojnë përherë për të më parë. Gjithmonë tërheq vëmendjen dhe njerëzit kthehen për të më parë e më komentojnë me miqtë e tyre”,- thotë djali.
Ai shpjegon se sa herë që njeh njerëz të rinj, haset me batuta të tipit: “Si është koha aty sipër?”
E dashura e tij është 175 centimetra e gjatë, por pranë tij duket shumë e shkurtër. “Ai është gjiganti im. Po shoqërohem me Will prej pak më shumë se një muaj, kur e takova për herë të parë ngela pa fjalë përballë gjatësisë së tij. Në të vërtetë është shumë i dashur dhe i ëmbël”,- shprehet vajza. /tesheshi.com/
