Pavarësisht se ishte 105 vjeç, Julia Hurricane Hawkins theu rekordin botëror në 100 metra në garat për të moshuarit fundjavën e kaluar në Luiziana.
“Ishte e mrekullueshme të shihja kaq shumë anëtarë të familjes dhe miq që vinin për të më mbështetur, por doja të arrija në vijën e finishit në më pak se një minutë,” tha Julia pas garës ku shënoi një minutë e dy të qindtat, një rekord për femrat në kategorinë 105 plus.
Për Hawkins, mësuese në pension, rezultatet e larta nuk janë të rralla.
Ajo filloi të garonte në çiklizëm kur ishte 80 vjeçe dhe fitoi disa medalje të arta në lojërat shtetërore për të moshuarit.
Me justifikimin “nuk kishte njeri me të cilin mund të konkurronte në moshën e saj”, ajo i dha fund karrierës së saj në çiklizëm.
Ajo filloi të vraponte në moshën 100 vjeçare dhe në vitin 2017 vendosi një rekord botëror në 100 metra për femra mbi 100 vjeç me kohën 39 sekonda e 62 të qindtat.
Kur konkurrentja Diane Friedman theu rekordin e saj në shtator, Julia vendosi të konkurronte në një kategori të re.
Ashtu si të gjithë atletët kryesorë, Julia pëlqen të vrapojë dhe është një frymëzim për të tjerët.
“Dua të vazhdoj të vrapoj për aq kohë sa të mundem. Mesazhi im për të tjerët është: Të qëndrojnë aktivë nëse duan të jenë të shëndetshëm dhe të lumtur në pleqëri,” tha Hawkins. /tesheshi.com/
