Emisari i SHBA-së për Ballkanin Perëndimor, Gabriel Escobar, pasi një konferencë të përbashkët për media me presidenten Vjosa Osmani, ku tregoi qëllimin e vizitës së tij në Kosovë.
“Qëllimi i vizitës sime është për të shikuar mënyrën e bashkëpunimit me një aleate shumë të mirë dhe me një mike shumë, të ngushtë. Është një miqësi dhe partneritet i bazuar jo vetëm në interes të përbashkët, por edhe ndarjen e vlerave të njëjta. Që të shpreh mbështetjen e SHBA-së për aspiratat euratlantike të Kosovës dhe për solidaritetin në kohë krize në Kosovë dhe për mënyrat për ta thelluar këtë partneritet, përfshirë edhe mbështetjen tonë edhe për pjesëmarrjen e Kosovës në dialogun e lehtësuar nga BE-ja”, ka thënë Escobar.
Ai shtoi se zhvillimet e javëve të fundit tregojnë se Kosova po ndikon në agjendën e përbashkët të demokracisë dhe lirisë.
Nga ana tjetër, presidentja Osmani tha se i kishte shprehur të dërguarit të SHBA-së për Ballkanin angazhimin e Kosovës në përmbushjen e synimeve të përbashkëta, në një kohë të vështirë për Europën.
“Kosova mbetet jashtëzakonisht e përkushtuar për të bërë gjithçka që mundet për të mbështetur aleatët tanë në mbrojtje të paqes dhe demokracisë,” tha ajo, duke theksuar nënvizoi se diçka e tillë është reflektuar dhe në politikën e jashtme, në sanksionet ndaj Rusisë dhe mbështetjen për Ukrainën.
Më tej, Osmani shtoi se me të dërguarin amerikan kishte theksuar se Kosova ka qenë gjithnjë pala konstruktive, por është e gatshme ta rrisë angazhimin për të intensifikuar procesin. Presidentja e Kosovës tha se kishte shprehur gjithashtu shqetësimin për mosrespektimin e marrëveshjeve nga ana e Serbisë.
Ajo sqaroi se i ka adresuar Gabriel Escobar-in një sërë çështjesh të cilat, në bashkëpunim me partnerët ndërkombëtarë, do të marrin zgjidhje. /tesheshi.com/
