Ballkani Perëndimor duhet të jetë pjesë e Bashkimit Evropian, tha të premten Përfaqësuesi Special i SHBA-së për Ballkanin Perëndimor Gabriel Escobar.
Escobar, i cili po merr pjesë në Forumin e Prespës, e vlerësoi çështjen e zgjerimit evropian si më të rëndësishmen.
“Kur flasim për sfidat e Ballkanit Perëndimor, ka shumë, por duhet të fokusohemi në mundësitë që kemi këtu. Ne duhet të ecim përpara me çështjet me të cilat po përballemi në rajon”, tha Escobar.
Diplomati amerikan tha se Ballkani Perëndimor është i harmonizuar gjeografikisht me të gjitha standardet e tjera dhe duhet të jetë pjesë e BE-së dhe një mundësi për gjeneratat e reja.
Duke folur për nismën “Ballkani i Hapur”, ai tha se përderisa synon integrimin europian, “ata janë aty për ta mbështetur”.
Përfaqësuesi Special i SHBA-së për Ballkanin Perëndimor ka theksuar më herët se SHBA-ja mbështet të gjitha nismat që afrojnë rajonin, por ato nuk mund të zëvendësojnë Bashkimin Evropian. /tesheshi.com/
