Njeriu për të cilin Siria është në luftë prej vitesh shprehet se qeveria siriane është e gatshme të negociojë “gjithçka” në bisedimet e pritshme të paqes në Astana të Kazakistanit.
Agjencia shtetërore siriane e lajmeve SANA i ka bërë të njohura komentet e Beshar Esadit për median franceze, ku ndër të tjera ai shpreh gatishmërinë për negociim, si dhe nënvizon paqartësinë në lidhje me ata që do ta përfaqësojnë opozitën e me datën e bisedimeve, ende të pavendosur.
Vënia nën kontroll e tërë Halepit, suksesi më i madh i forcave ushtarake të regjimit sirian në thuajse gjashtë vite luftë, duket t’i kenë dhënë më tepër siguri Esadit.
I pyetur në ishte i gatshëm ta diskutonte gjithashtu pozitën e tij si president, ai e ka lidhur atë me kushtetutën.
“Nëse ata duan ta diskutojnë këtë çështje, duhet të diskutojnë mbi kushtetutën,” raportohet të jetë përgjigjur kreu i regjimit sirian.
Për të, çdo çështje kushtetuese duhet çuar në referendum, e se i takonte popullit sirian ta zgjidhte presidentin.
Esadi ka pranuar ndërkaq se armëpushimi në vend po shkelej e se detyra e ushtrisë siriane ishte rimarrja e një zone pranë Damaskut, ku kryengritësit kontrollin pikën kryesore të furnizimit me ujë të kryeqytetit.
Në Astana të Kazakistanit pritet të mbahen këtë muaj bisedimet e paqes për Sirinë, një nismë që pason marrëveshjen e armëpushimit të negociuar me ndërmjetësinë e Rusisë dhe Turqisë. /tesheshi.com/
