Erzen Breçani, ish-oficer i lartë policie në qeverisjen e Berishës, njëherësh ithtar demokrat, raportohet të jetë arrestuar nga Policia gjatë një operacioni të urdhëruar nga SPAK, ku bashkë me të është arrestuar dhe i biri, Eralbi Breçani. Përflitet se ata janë të përfshirë në një rrjet kriminal, ku bën pjesë dhe Ervin Mata, kunat i të birit të Ezenit, i njohur për një ngjarje kriminale në Bllok me protagonist Ervis Martinaj.
Tashmë pritet një deklaratë zyrtare për të bërë me dije për publikun këtë arrestim të bujshëm të një prej figurave më të rërbdësishme policore të pak viteve më parë.
Posti më i lartë që ka mbajtur Erzen Breçani është ai drejtorit të përgjithshëm të Policisë së Tiranës. Në këtë pozicion, ai do kishte një përplasje gati fizike me Saimir Tahirin si deputet i Kombinatit, në kohën kur ky i fundit ishte opozitar.
Dhe, sapo Tahiri u bë ministër Rendi në sapoardhjen e PS-së në pushtet, një prej emrave që largonte nga Policia
do qe ai i Erzen Breçanit.
Ndërkohë, pak kohë më parë, një ndër djemtë e Braçanit do shkaktonte një aksident të rëndë me një automjet luksoz në një prej rrugëve të Tiranës, duke goditur një femër në trotuar, por paçka kësaj, i ati dilte nëpër studio televizive duke dhënë moral për rendin. /tesheshi.com/
