Ervin Dervishi, shefi i Policisë Rrugore, tha se ndodh që dhe vetë ai t’i shkelë rregullat e qarkullimit ndonjëherë.
I ftuar në Pasdite në Top Channel”, kreu i rrugorëve shqiptarë tha se shkelja më e zakonshme është komunikimi me celular në timon. “Unë mundohem ta shmang sa mundem. Ndodh që ndaloj për të komunikuar, por ndodh që dhe të flasë duke ecur”, tha Dervishi në një rrëfim të sinqertë mbi karrierën e tij dhe atë çfarë ndodh në rrugët e Shqipërisë.
Gjithsesi kryepolici i qarkullimit rrugor, tha se ishte djali i tij që i ishte bërë polic, duke mos e lejuar në asnjë moment që të bënte shkelje të kodit rrugor, qoftë dhe me më të pashmangshmen: komunikimin me celular në timon. /tesheshi.com/
