Kuvendi ka nisur seancën e debatit, e cila është çelur nga Lulzim Basha, kryetari i PD-së, që është i pari në listën e gjatë të deputetëve që do të flasin sot mbi programin dhe qeverinë “Rama2”.
Ajo që tërhoqi vëmendjen që në fillim ishte fakti se fjala e kreut të PD-së është transmetuar direkt nga ERTV, që shërben si një kanal për të promovuar dhe pasqyruar aktivitetet e kryeministrit.
Basha tha se në 4 vite Rama premtoi dhe nuk mbajti asnjë, ndërsa sot nuk mban asnjë përgjegjësi për atë që nuk realizoi. Sipas Bashës, gjatë qeverisjes “Rama1”, borxhi ndaj bizneseve arriti në 300 milionë euro, ndërsa investimet në infrastrukzurë ishin zero.
Basha tha se në 4 vite qeveria Rama nuk arriti të sjellë asnjë investim të huaj, ndërsa u akuzua për lidhje me krimin.
“Në 4 vite nuk dha asnjëherë llogari dhe nuk bëri asnjë bilanc, nuk pati asnjë marrëdhënie me Greqinë dhe prioritet ishin raportet me Serbinë. Marrëdhëniet me Italinë kanë humbur çdo kuptim”, tha Basha. Sipas tij, në 4 vite, vendi u mbush me drogë dhe shqiptarët u varfëruan.
Referuar zgjedhjeve të 25 qershorit, kreu i PD tha se ky parlament shpreh vjedhjen e vullnetit të popullit dhe beteja për zgjedhje të lira dhe të ndershme do të vazhdojë. Sipas tij, opozita përfaqëson në Kuvend, votën e pastër të qytetarëve, votën e lirë. Kreu demokrat tha se zhelbi i marrëveshjes së 18 majit ishin zgjedhjet e lira, por ato nuk u realizuan. “Opozita përfaqëson votën morale, që i rezistoi dhunës dhe krimit”, theksoi kreu i PD, duke shtuar se aleanca e vetme do të jetë ajo e vlerave në dobi të qytetarëve.
“Unë dhe PD jemi me njerëzit, kundër atyre që po shkatërrojnë vendin”, tha Basha, duke shtuar se lufta e opozitës do të ketë në thelb që pushtetin ka kenë qytetarët dhe jo një grup njerëzish.
Në fjalën e tij, kreu demokrat artikuloi akuza në drejtim të kryetarit të Kuvendit, Gramoz Ruçi, për të cilin tha se nga 2005 i është ndaluar hyrja në SHBA, madje shtoi se përjetësisht nuk mund të shkojë atje.
Basha se e ardhmja e fëmijëve shqiptarë s´mund të jetë në dorën e Ruçit apo Fatmir Xhafajt.
Akuzat e Bashës
“Rama 1” është qeveria që ka marrë borxhin më të madh publik. Mbi 205 miliardë borxh pa llogaritur borxhin e koncesioneve mbi gjysmë miliardë.
“Rama 1” krijoi borxhe të reja ndaj biznesit shqiptar. Ka mbi gati 300 milionë euro borxhe. Është e para qeveri që nuk ka bërë pothuajse asnjë investim në infrastrukturën e transportit, nuk arriti dot të mbaronte as rrugët e mbetura në Elbasan Tiranë apo by passin e Fierit.
“Rama 1” u fut zyrtarisht në listën e zezë për trafikimin. Është qeveria që arriti që shqiptarët të largohen nga vendi i tyre.
“Rama 1” vuri si prioritet marrëdhëniet me Serbinë, përveçse batutave nuk kanë sjellë asnjë efekt për vendin.
“Rama 1 ideoi dhe vuri në jete aleancën më krimin duke i vendosur si zyrtarë të lartë të administratës së tij.
“Rama 1” e mbushi vendin me drogë dhe kjo nuk mbulohet dot nga asnjë. E mbushi administratën me kriminelë. Ai i varfëroi dhe pastaj i njollosi shqiptarët duke blerë votat. /tesheshi.com/
