Kreu i Bashkisë së Tiranës, Erjon Veliaj i ka servirur publikut rastin e freskët të mbylljes së një pike karburanti në Tiranë, e cila ka si emër, mbiemrin e tij.
Në fakt, për çdo sy që ballafaqohet me këtë pikë karburanti, krijohet më pas një lidhje mes kryebashkiakut Veliaj dhe kësaj pike, që jo domosdoshmërisht kanë lidhje.
Dhe këtë përkim, Veliaj e ka shfrytëzuar për të promovuar aksionin e mbylljes, pa kompromis, të çdo pike karburanti në Tiranë, që nuk është në rregull me letrat dhe detyrimet ndaj shtetit e ligjit.
“Nuk ka rëndësi nëse ke mbiemrin tim apo je lidhur me të fortë, nëse qytetarët paguajnë taksat, duhet t’i paguajnë dhe milionerët e naftës! Bllokim pikave gjersa të shlyhen 100% detyrimet – me ato para bëhen çerdhet, kopshtet e shkollat!”, shkruan kryebashkiaku Veliaj në një status. /tesheshi.com/
