Kryetari i Bashkisë së Tiranës, Erion Veliaj, i ka dërguar një letër të personalizuar familjeve në kryeqytet ku u bën thirrje që të zgjedhin sa më parë administratorët e pallateve të tyre.
Veliaj shkruan se bashkia do të asistojë banorët e Tiranës dhe më së shumti, ata qytetarë që ende nuk kanë zgjedhur administratorët e banesave të tyre.
“Ritmet e shpejta dhe dinamika e jetesës bëjnë që të fokusohemi gjithmonë e më shumë tek familja jonë dhe apartamenti ynë, duke u kushtuar më pak kohë problemeve jashtë derës së shtëpisë.
Sot, qytetarët e Tiranës bashkëjetojnë me këto probleme, ndoshta edhe konfliktohen mes tyre, edhe pse zgjidhjet shpeshherë janë fare të thjeshta.Për këtë, Bashkia e Tiranës ka nisur projektin për bashkëpronësinë dhe ‘administratorët e pallateve’, i cili synon krijimin e një rrjeti punonjësish të përzgjedhur nga Ju dhe të certifikuar nga Bashkia e Tiranës, të cilët do të gjenden pranë komunitetit për t’i dhënë zgjidhje problematikave që lindin prej bashkëpronësisë”, thotë Veliaj.
Kryebashkiaku shkruan gjithashtu se zgjedhja e administratorëve do t’i japë fund njëherë e përgjithmonë mbarëvajtjes së ambienteve të përbashkëta të qytetarëve, përfshi këtu ato brenda në pallat si dhe jashtë tij. /tesheshi.com/
