Erjon Braçe, deputet i PS-së, ka reaguar përmes një komenti në rrjetet sociale, në lidhje me deklaratat e një dite më parë nga kreu demokrat Lulzim Basha, që paralajmëroi nisjen e një aksioni opozitar, por edhe ndaj kritikave të LSI-së mbi aplikimin e TVSH-së për bizneset e vogla.
Pavarësisht se nuk përmend emrat e Lulzim Bashës dhe Petrit Vasilit, Braçe i cilëson dy politikanët si budallenj në raport me qëndrimet e shprehura mbi politikat fiskale të qeverisë e më konkretisht me rivendosjen e TVSH-së për bizneset e vogla.
Komenti i Erjon Braçes
Mëngjesi buçet nga dy budallenj politikë!
I pari, thotë se do bëj luftë, do sfidojë maxhorancën me pyetje çdo të merkure e prej kësaj, “nuk ka kompromis me Qeverinë”!
I marrë komplet! Kjo nuk është lufte, kjo është detyra e tij, sanksionuar në rregullore qëmoti.
Madje, jo vetëm për të, po për çdo deputet të Kuvendit. Lëri “lojat luftash”, bëj detyrën Kid!
I dyti, vijon të bëhet “i madh” duke u fryrë si gjithollog.
Ai di që Tatimin mbi Vlerën e Shtuar (TVSH) e paguan tregtari, i vogël, i mesëm apo i madh dhe, vijon të thurrë “mendim politik” mbi padijen e tij të thellë.
O politikan, TVSH nuk e paguan tregtari, por konsumatori, populli domethënë, sa herë që ble mallra e shërbime, madje edhe kur nuk e ka të shënuar në kupon-siç është rasti i këtyre bizneseve të vogla.
Tregtari në këtë rast është thjesht agjenti fiskal i qeverisë, tamam për të derdhur në buxhet atë që qytetari paguan si TVSH për çdo blerje të tij.
Ka nga këta tregëtarë që nuk e derdhin në buxhet atë që i marrin qytetarit;
Ka nga këta tregëtarë që duan të fshehin që janë rritur e nuk pranojnë faturë malli me TVSH;
Ka nga tregtarët e mëdhenj që ju pëlqen biznesi me këta “të vegjlit” dhe bëjnë fatura nën vlerën reale të tyre duke fshehur kështu TVSH-në reale;
Ka nga këta tregtarët e mëdhenj që kanë krijuar vetë “të vegjlit” dhe mbyllin brenda “shtëpisë së tyre” fshehjen e TVSH-se reale që duhet të paguajnë.
Të gjithë këta vjedhin;
Popullin që paguan TVSH për buxhetin e shtetit, buxhetin e shtetit që duhet të arkëtojë atë që populli paguan për të.
Kaq e thjeshtë është; shumë hajdutë bashkë pavarësisht nëse shiten për “të vegjël” apo “të mëdhenj”.
Patjetër që politikanët budallenj janë mes tyre, paguhen prej tyre-veçanërisht nga të mëdhenjtë e shumtë prej politikës.
Përtej tyre, për shkak se po flasin dhe të tjerë; ka të vegjël reale, të cilët duhen mbrojtur ende.
Janë ata që bëjnë fare pak xhiro dhe nuk janë as zejtare e as berberë, thuajse kanë xhiron e ambulantëve, por shesin në kuvli mes lagjeve-vërtiten deri në 1 milion lekë xhiro në vit.
Këta shihni!
vo: duhen thënë ca të vërteta. /tesheshi.com/
