“Në asnjë vend të botës nuk ndodh që të futesh në burg për kuponin tatimor”- ishte kjo deklarata e kreut të Dhomës Amerikane të Tregtisë në Shqipëri, Mark Crawford, si përgjigje ndaj një reagimi të kryeministrit Rama ndaj tij e Dhomës. Por këmbimi i replikave ka vijuar me deputetin Erjon Braçe, i cili i është përgjigjur Crawford-it duke i kujtuar Kodin Penal
“Në anë tjetër, ajo që po kërkojmë të ndëshkojmë ka të bëjë me biznesin që shet pa kupon, pa faturë, pa dëftesë tatimore. Shkurt, në mënyrë të paligjshme. E thjeshtë. Është qartë evazion!! Të shesësh mall apo shërbim pa faturë, fsheh xhiron, fsheh të ardhurat, fsheh fitimin, mashtron me tatimin mbi fitimin, mashtron me TVSH!! Fiton para në mënyrë të paligjshme! Për këtë shkon në burg në Gjermani, Spanjë, Slloveni, Kroaci, Serbi. Organizatat e biznesit nuk janë për politikë. Organizatat janë për të lehtësuar cilindo anëtar të tyre për të qenë i ligjshëm. Ndaj, bëj biznes zotni Mark, mos u bëj Lul!!”, ishte mesazhi i Braçes në FB. /tesheshi.com/
