“Është vetëm çështje kohe që ne të vijmë tek lagjja jote”. përmes këtij premtimi kryebashkiaku Erion Veliaj i është drejtuar banorëve ku bashkia nuk ka kryer akoma investime.
Nga njësia 11 në kryeqytet, Veliaj u premtoi banorëve se shumë shpejt do të nis ndërtimi i 3 shkollave të reja. por bashkia e Tiranës ka edhe një tjetër surprizë për banorët e kryeqytetit.
Bashkia e Tiranës në bashkëpunim me fondacionin “Lorik Cana”, ka nisur zbatimin e projektit për ndërtimin infrastrukturës sportive në kopshtet publike, me synim masivizimin e pjesëmarrjes në sport për një jetë më të shëndetshme.
Kryebashkiaku Veliaj tha se ky është vetëm investimi i parë, i cili do të kontribuojë edhe në edukimin e brezit të ri.
Ndërsa ish-kapiteni i ekipit tonë kombëtar në futboll, Lorik Cana, vlerësoi përkushtimin e kryebashkiakut Veliaj për zbatimin e këtij projekti, i cili do të shtrihet edhe në qytete të tjera të trevave shqipfolëse. /tesheshi.com/
