Mbrojtësi 22-vjeçar nga Bregu i Fildishtë është lojtari i parë që afrohet te Mançester Junajtedi që prej emërimit të Jose Mourinho-s si trajner i klubit anglez.
Bailly është aktivizuar te Vilareali që nga janari i vitit të shkuar, duke luajtur në 47 takime. Më herët, për disa muaj, ai ka qenë dhe pjesë e Espanjolit. Nga 40 paraqitjet në kampionatin spanjoll, pesë prej tyre janë pikërisht me Espanjolin.
Po në janar të 2015-s, mbrojtësi premtues ka bërë dhe debutimin me Bregun e Fildishtë, për t’u aktivizuar më pas në 14 sfida të përfaqësueses.
Kontrata e lojtarit me klubin e tij të ri është katërvjeçare, me një shumë prej 38 milionë eurosh.
“Eric ka potencialin për t’u bërë një nga më të mirët,” ka deklaruar menjëherë Mourinho.
Ndërsa vetë lojtari është shprehur tepër entuziast për transferimin e tij: “Eshtë një ëndërr e bërë realitet t’i bashkohesh Mançester Junajtedit. Të luaj futboll në nivelin më të lartë është gjithçka kam dashur të bëj.” /tesheshi.com/
