Ministri i Jashtëm turk Mevlut Cavusoglu tha se udhëheqësit e Turqisë dhe Bashkimit Evropian (BE) kanë arritur një marrëveshje mbi punën në Udhërrëfyes në lidhje me hapat konkretë për të forcuar marrëdhëniet dhe bashkëpunimin.
Çavusoglu arriti në Bruksel të mërkurën për një vizitë dy-ditore për të zhvilluar bisedime me zyrtarë të lartë të BE dhe NATO.
Ministri i Jashtëm turk Çavusoglu, ndër të tjerët, u takua veçmas me Presidentin e Këshillit Evropian Charles Michel, Komisionerin e Lartë të BE për Punët e Jashtme dhe Politikën e Sigurisë Josep Borrell dhe Presidenten e Komisionit Evropian Von der Leyen.
Duke komentuar mbi ato takime, Cavusoglu vuri në dukje se bashkëbiseduesit evropianë janë të përkushtuar për forcimin e marrëdhënieve me Turqinë, duke shtuar se Ankaraja zyrtare dëshiron të shohë hapa konkrete në atë drejtim.
Ai gjithashtu u tha gazetarëve në Bruksel se krerët e Këshillit Evropian dhe Komisionit Evropian kishin pranuar një ftesë nga Presidenti turk Rexhep Tajip Erdogan dhe se datat e vizitave të tyre në Turqi aktualisht ishin duke u dakorduar.
Kujtojmë se marrëdhëniet Turqi-BE kanë qenë në nivelin më të ulët historik që nga fundi i vitit të kaluar.
Një rezolutë e miratuar në seancë plenare në fund të nëntorit të vitit të kaluar i bëri thirrje Turqisë të përmbahet nga çdo veprim që ndryshon ekuilibrin demografik të Qipros, duke shtuar se marrëdhëniet BE-Turqi aktualisht janë në nivelin më të ulët të të gjitha kohërave. /tesheshi.com/
