Gjeneralët në pushtet në Sudan dhe një aleancë e grupeve pro-demokratike kanë nënshkruar një marrëveshje politike për ndarjen e pushtetit, që konsiderohet si një hap i rëndësishëm drejt përmbushjes së kërkesave të protestuesve për një qeveri të udhëhequr nga civilët.
Nënshkrimi i dokumentit në kryeqytetin Khartoum u realizua mes Këshillit Ushtarak Kalimtar (TMC) dhe aleancës së Forcave të Lirisë dhe Ndryshimit (FFC).
Të dy palët po punojnë ende për një deklaratë kushtetuese, e cila pritet të nënshkruhet të premten.
Dokumenti nuk përmend se çfarë roli do të kenë këshillat sovran dhe ekzekutiv, që do të përcaktohen në deklaratën kushtetuese, e cila do të jetë thelbi i marrëveshjes kalimtare dhe do të përcaktojë pikërisht atë rol që do të luajë këshilli sovran.
Protestuesit kishin mbetur në rrugë pas rënies së sunduesit disavjeçar, Omar al-Bashirit, duke pasur frikë se gjeneralët kishin për qëllim të kapeshin në pushtet ose të ruanin ndonjë formë të sundimit autoritar. /tesheshi.com/
