Kreu i Partisë Demokratike Lulzim Basha, nga Kukësi, si rrallë herë në fjalimet e tij gjatë fushatës zgjedhore, u është drejtuar qytetrëve se do ti udhëheqë si ish-kreu i PD-së Sali Berisha.
Ai tha se është është gati t’u prijë shqiptarëve drejt një ndryshimi epokal, njësoj si Sali Berisha dhe Azem Hajdari në 1990-n.
“Dita e fitores po vjen. Dita e shpagimit për 4 vite terror, 4 vite diskriminim, 4 vite përbuzje, 4 vite ndasi krahinore marrin fund të dielën me votën tuaj. Hiqni duart nga vota e kuksianëve, hasjanëve dhe tropojanëve. Ju pret burgu i pamëshirshëm. Asgjë nuk e ndal fitoren tonë ditën e dielë.
Me mirënjohjen më të thellë për punën dhe sakrificën e qindra personave në Tropojë, Has dhe Kukës, përfaqësuar nga simbolet e ndryshimit, tribunit të demokracisë Azem Hajdari dhe lideri i ndryshimit epokal Sali Berisha. Sot jam këtu dhe përkulem me respektin më të thellë ndaj punës dhe sakrificës tuaj dhe ju them se jam gati t’ju drejtoj për një ndryshim tjetër epokal. Ndryshimi për të cilin votoni më 25 qershor është ndryshimi ekonomik, janë taksat e ulta, është ulja e TVSH-së dhe largimi një herë e mirë i terrorit mbi sipërmarrjen dhe njerëzit e thjeshtë. Asnjë të mos mbetet pa votuar. Merrini edhe të majtët e zhgënjyer me vete dhe bëjini pjesë të Republikës së Re”, tha Basha./tesheshi.com/
