Presidenti turk ka lënë Stambollin, për t’u kthyer për herë të parë në Ankara pas përpjekjes së armatosur për rrëzimin e tij.
Nën masa të jashtëzakonshme sigurie, ai është drejtuar për në pallatin presidencial, ku ka pritur kryeministrin gjeorgjian. Vizita e Giorgi Kvirikashvilit shënon të parin takim zyrtar të kreut të shtetit turk që prej ngjarjeve të përgjakshme të së premtes.
Pjesë e takimit me kryeministrin gjeorgjian në vizitën e tij zyrtare në Turqi ka qenë dhe shefi i qeverisë turke, Binali Jëlldërëm.
Kthimi i Erdoganit në pallatin presidencial dhe pritja e Kvirikashvilit është një tjetër tregues se Turqia po i kthehet dalëngadalë normalitetit.
Pallati presidencial do të bombardohej nga ajri në orët e fundit të puçit, mëngjesin e së shtunës së shkuar, e për pasojë do të humbisnin jetën një numër personash, ndërsa shumë të tjerë do të plagoseshin. /tesheshi.com/
