Një artist i ri palestinez ka realizuar një portret në rërë të presidentit turk Erdogan, si shenjë festimi për fitoren e tij në zgjedhjet e së dielës.
Muhammad Tutah, i cili humbi njërën këmbët nga sulmet nga ushtria izraelite pak vite më parë, tha se puna e tij ishte shprehja e një gëzimi.
“Ne jemi gëzuar me rizgjedhjen e tij. Dhe unë zgjodha ta realizoj në rërë portretin e Erdoganit për ta shprehur këtë gëzim të madh “, tha Tutah.
Lideri turk ka qëne dhe është ndër zërat më të fuqishëm në mbrojtje të kauzës palestineze. Ç’prej kur erdhi në pushtet, ai është përplasur rregullisht me pushtetin izraelit duke u bërë zëri kryesor i revoltës së palestinezëve.
“Turqia nuk e ka harruar popullin palestinez. Ata janë gjithmonë me ne në kohë të vështira”, tha artisti pa një këmbë. /tesheshi.com/
