Presidenti turk Rexhep Tajip Erdogan tha të shtunën se po ndërpret çdo kontakt me kryeministrin izraelit Benjamin Netanyahu lidhur me sulmet izraelite në Rripin e Gaza-s.
“Netanyahu nuk është më dikush me të cilin mund të flasim”, tha Erdogan.
Presidenti turk, i cili u takua me Netanyahun për herë të parë në shtator në Neë York, tha më 25 tetor se po anulonte të gjitha planet për një udhëtim në Izrael, duke thënë se kryeministri izraelit e kishte “përdorur”.
“Nuk do të gjeni asnjë vend tjetër, ushtria e të cilit të sillet kaq çnjerëzore”, tha ai, duke iu referuar reagimit të Izraelit ndaj sulmit të përgjakshëm nga Hamasi.
Pas deklaratës së ashpër të Erdoganit, Izraeli më 29 tetor njoftoi se po tërhiqte diplomatët e tij nga Turqia.
Megjithatë, më 19 tetor, ai ftoi diplomatët e tij që të largohen përkohësisht nga vendi “për arsye sigurie”. Erdogan tha të shtunën se Turqia nuk po i ndërpret marrëdhëniet diplomatike me Izraelin.
“Një shkëputje e plotë e lidhjeve nuk është e mundur, veçanërisht në diplomacinë ndërkombëtare,” tha Erdogan.
Ai kujtoi se drejtori i Shërbimit Informativ Turk (MIT) Ibrahim Kalin po udhëheq përpjekjet e Turqisë për të ndalur luftën përmes ndërmjetësimit.
“Ibrahim Kalin po flet me palën izraelite. Sigurisht, ai flet me Palestinën dhe Hamasin”, tha Erdogan.
Por sipas tij, Netanyahu është fajtori kryesor për konfliktet dhe se “ka humbur mbështetjen e qytetarëve të tij”.
“Duhet të tërhiqet dhe t’i japë fund kësaj situate”, tha Erdogan. /tesheshi.com/
