Presidenti turk Rexhep Tajip Erdogan tha të mërkurën se vendi i tij është i vendosur të mos lejojë që askush prej përgjegjësve për vrasjen e gazetarit saudit Jamal Khashoggi, t’i shpëtojë drejtësisë.
Duke folur gjatë një simpoziumi në kryeqytetin Ankara, ai tha se Turqia do të grumbullojë të gjitha dëshmitë e reja, për të mundësuar që hetimi të jetë sa më transparent.
“Ne jemi të vendosur që të mos lejojmë që përgjegjësit për vrasjen e Khashoggi – prej atyre që e urdhëruan atë dhe ndaj atyre që e kanë kryer atë –që t’i ikin drejtësisë”, tha Erdogan.
Zyrtarët sauditë thonë se Khashoggi, një kritik i familjes mbretërore saudite, u vra në përplasje fizike me zyrtarët e dërguar për ta bindur atë që të kthehej në atdheun e tij.
Ndërsa Erdogan tha se kolumnisti 59-vjeçar i Washington Post ishte viktimë e një “vrasjeje të egër” të planifikuar paraprakisht. /tesheshi.com/
