“Ne po përgatitemi për zgjedhjet, vizioni ynë është shekulli i Turqisë”, tha ndër të tjera presidenti turk Rexhep Tajip Erdogan në fjalimin e tij parazgjedhor në Bilecik në Turqinë qendrore, me rastin e përvjetorit të themelimit të Perandorisë Osmane.
“Gjatë historisë, kombi ynë ka ndërtuar shtete të forta, ka mbrojtur të gjithë ata që kanë jetuar nën sundimin e tij, i ka mbajtur të sigurt dhe i ka bërë të përparojnë. Në këto troje çdo racë, nga selxhukët e deri te Perandoria Osmane dhe Republika, ka një vend mbi kokat tona. Kombi ynë nuk e humbi këtë vizion dhe përqafoi ëndrrat e të parëve të tij”, theksoi presidenti turk, duke akuzuar më pas opozitën kemaliste si tradhtarë dhe imperialistë.
“Kushdo që nënvlerëson Perandorinë Osmane, 724 vjetori i themelimit të së cilës është sot, sipas disa historianëve, ose është tradhtar ose nuk mund ta gëlltisë atë.
Ne si komb jemi ende në këmbë sepse nuk hoqëm dorë kurrë nga ëndrrat tona. Ne e përhapim fjalën tonë në rajonin tonë dhe në botë. Ndryshe nga klasa e pistë e imperialistëve, ëndrrat tona janë gjithmonë në drejtim të paqes dhe drejtësisë”, shtoi presidenti turk. /tesheshi.com/
