Presidenti i Turqisë, Recep Tayyip Erdogan, po viziton Ballkanin ndërkohë që ka anashkaluar Shqipërinë. Kur Erdogan ishte kryeministër, anuloi paparitur vizitën në Tiranë, pas një tragjedie në një minierë në Turqinë perëndimore. Kur Edi Rama po viznte në pushtet shpalli një aleancë strategjike me Turqinë, ndërkohë që kjo tezë tashmë është harruar. Zyrtarë të qeverisë shqiptare bënë të ditur për “tesheshi.com” se nuk ka asnjë problem serioz mes dyu vendeve, por thjesht agjenda të shtyra nga zhvillimet gjeopolitike.
Presidenti i Turqisë, Recep Tayyip Erdogan, ka nisur sot një turne vizitash, që përfshijnë Slloveninë, Sllovakinë dhe Rumaninë.
Në kryeqytetin Lubljanë të Sllovenisë, stacioni i parë i këtij turneu, Presidenti Erdogan u prit me ceremoni zyrtare nga homologu slloven, Borut Pahor.
Pas ekzekutimit të himneve kombëtare të dy vendeve, lideri turk përshëndeti togën e nderit.
Erdogan dhe Pahor biseduan fillimisht kokë më kokë në Pallatin Presidencial të Sllovenisë, ndërsa në vijim drejtuan takimin ndërmjet delegacioneve.
Pas këtyre takimeve, të dy presidentët dolën përpara gazetarëve në një konferencë të përbashkët shtypi.
“Marrëdhëniet ndërmjet dy vendeve tona vijojnë në nivele të shkëlqyera. Ne rikonfirmuam në mënyrë të ndërsjellë vullnetin për zhvillimin e mëtejshëm të marrëdhënieve. Sllovenia mbështet me sinqeritet dhe fuqimisht anëtarësimin e Turqisë në Bashkimin Evropian”, deklaroi kreu slloven i shtetit.
Ndërsa Presidenti Erdogan u ndal më shumë tek shkëmbimet ekonomike ndërmjet dy vendeve.
“Ekonomikisht, ne kemi një vëllim tregtar vjetor mbi 1 miliard dollarë dhe këtë do rrisim ndjeshëm. Në vendet e treta, ku ia vlen të përmendet Mali i Zi, ne duam të ndërtojmë një hidrocentral dhe këtë hap duam ta bëjmë me mbështetjen e Sllovenisë. Ministrat tanë të Energjetikës janë në kontakt me njëri-tjetrin për sa i takon kësaj çështjeje. Po ashtu, të njëjtat hapa ne mund t’i hedhim edhe në sektorin e ndërtimit, automobilistikë dhe tekstileve”, theksoi lideri turk.(tesheshi.com)
