Presidenti Erdogan, duke folur për operacionin “Dega e Ullirit”, tha se kanë futur nën kontroll malet rreth Afrinit dhe Forcat e Armatosura Turke po vazhdojnë të lëviznin drejt tij.
Erdogan iu drejtua qytetarëve të mbledhur në Kongresin e Partisë për Drejtësi dhe Zhvillim (AKP) në qytetin turk të Bitlis, ku komentoi disa nga ngjarjet aktuale, raporton Anadolu.
Në qendër të fjalimit të Erdoganit, ishte operacioni “Dega e Ullirit”.
“Malet rreth Afrinit janë duke u u futur nën kontroll, dhe ne po vazhdojmë të lëvizim drejt tij. Ka mbetur vetëm edhe pak”, tha Erdogan duke shtuar:
“Në vendin ku shfaqen luanët, çakallëve nuk iu mbetet tjetër pos të fusin bishtin nën këmbë dhe t’ia mbathin. Terroristët të cilët kishin në kë të mbështeten sulmuan dje popullin tonë, por sot po i shohim duke ikur si zvarranikët”.
Presidenti turk foli gjithashtu lidhur me veprimet e disa deputetëve në Parlamentin Europian.
“Disa individë në Parlamentin Europian që nuk e dinë se çfarë po bëjnë dhe kah po shkojnë, edhe pse e njohin Partinë Punëtore të Kurdistanit (PKK) si një organizatë terroriste, kanë vajtuar në parlament, duke mbajtur rreth qafës së tyre lecka të terroristëve. Do të qani shumë më tepër. Nuk do të arrini asgjë duke vënë rreth qafës lecka të tyre. Kjo nuk do të ndryshojë vendimin tonë”, tha Erdogan.
Kryeministri Binali Yildirim tha në qytetin turk të Tekirdagut se operacioni “Dega e Ullirit” përfaqëson liri për fqinjët tanë, raporton Anadolu.
Turqia ka sulmuar rajonin kurd për pothuajse dy javë. Afrin ndodhet nën kontrollin e Njësisë për Mbrojtjen e Popullit, një grup kurdësh sirianë të cilët Ankaraja i konsideron një organizatë terroriste. /tesheshi.com/
