Presidenti turk Rexhep Tajip Erdogan tha të dielën se vendi i tij, veçanërisht në Mesdheun lindor, nuk do ta përkul qafën ndaj kërcënimeve dhe shantazheve.
Turqia po feston Ditën e Fitores, një festë që përkujton fitoren në Luftën e Pavarësisë në 1922 nga forcat turke të udhëhequra nga udhëheqësi ushtarak dhe themeluesi i Republikës moderne, Mustafa Kemal Ataturk.
Erdogan drejtoi udhëheqjen e shtetit në një mbledhje solemne në kompleksin Anitkabir, Mausoleum Ataturk në Ankara.
“Sukseset e rëndësishme që kemi arritur në fusha të ndryshme janë një tregues i qartë i vullnetit tonë për të mbrojtur të drejtat dhe interesat e vendit tonë. Ne jemi të vendosur të hyjmë në vitin 2023, kur festojmë 100-vjetorin e Republikës sonë, si një vend më i fortë, më i pavarur dhe i prosperuar në ekonomi, ushtri , plan politik dhe diplomatik”, theksoi ai.
Duke kujtuar Luftën e Pavarësisë
Ai shtoi se “Turqia, veçanërisht në Mesdheun lindor, nuk do të përkulet para gjuhës së kërcënimeve dhe shantazheve”.
“Ne do të vazhdojmmë të mbrojmë të drejtat tona, të cilat rrjedhin nga e drejta ndërkombëtare dhe marrëveshjet bilaterale,” tha Erdogan.
Në këtë ditë, 98 vjet më parë, forcat turke të udhëhequra nga Ataturk regjistruan një fitore në Betejën e Dumlupinar, e cila ishte e fundit në Luftën e Pavarësisë së Turqisë, nga 1919 deri në 1922.
Dita e Fitores në Turqi festohet për të përkujtuar betejën, pas së cilës u shpall Republika moderne e Turqisë. /tesheshi.com/
