Si komb, ne po përballemi me një nga fatkeqësitë më të mëdha në historinë tonë, tha të premten Presidenti turk Erdogan, pas tërmeteve shkatërruese që goditën jugun e vendit të hënën, raporton Anadolia.
Të premten, Erdogan inspektoi përpjekjet e kërkimit dhe shpëtimit në provincën Adiyaman, ku u takua me viktimat e tërmetit.
Ai tha se shkatërrime të rënda janë regjistruar në dhjetë provinca.
Erdogan njoftoi se numri i të vdekurve nga tërmetet në jug të vendit është rritur në 19,391 dhe se 77,723 persona janë lënduar.
Tërmetet me magnitudë 7.7 dhe 7.6 goditën më shumë se 13 milionë njerëz në dhjetë provinca, duke përfshirë Adana, Adiyaman, Diyarbakir, Gaziantep, Hatay, Kilis, Malatya, Osmaniye dhe Sanliurfa.
Erdogan ka premtuar të rindërtojë jugun e vendit të goditur nga tërmeti, si pjesë e një plani njëvjeçar.
“Ne do të sigurojmë që qytetarët tanë që nuk duan të jetojnë në tenda të mund të zhvendosen në apartamente dhe do t’u paguajmë qiranë për një vit”, tha ai(variant shqiptar).
Sipas tij, më shumë se 76 mijë persona janë evakuuar nga zonat e prekura nga tërmeti në qytete të tjera anembanë Turqisë.
Presidenti i Turqisë u bëri thirrje qytetarëve që në këtë moment të mos i njohin ata që abuzojnë me unitetin dhe solidaritetin.
Erdogan falënderoi të gjitha vendet që dërguan dhe ofruan ndihmë për Turqinë pas tërmeteve shkatërruese.
Presidenti Erdogan do të vizitojë më pas Malatyan ku do të takojë viktimat e tërmetit. /tesheshi.com/
