Presidenti turk Rexhep Tajip Erdogan tha të premten se Ankaraja ka më shumë dokumente dhe informacion në lidhje me vrasjen e gazetarit saudit Jamal Khashoggi dhe që do t’i zbulojë në kohën e duhur.
Në një fjalim në Parlament në Ankara, ai i bëri thirrje Riadit për të gjetur se kush e urdhëroi vrasjen e tij.
Ai njoftoi gjithashtu se kryeprokurori saudit do të vizitojë Stambollin të dielën për t’u takuar me homologët turq në hetimin e vrasjes së Khashoggi.
Erdogan shtoi se vrasësi ndoshta duhet të jetë midis 18 njerëzve të arrestuar në Riad. “Nuk ka asnjë shpjegim tjetër, vrasësi është në mesin e këtyre 18 njerëzve”, tha ai.
Ndërkohë, djali i të ndjerit Khashoggi mbërriti në Shtetet e Bashkuara, pasi Arabia Saudite ia hoqi një ndalim udhëtimi.
Një zëdhënës i Departamentit të Shtetit tha se SHBA mirëpritën vendimin e Riadit për të lejuar Salah Khashoggi që të largohet nga vendi.
Sekretari amerikan i Shtetit Mike, Pompeo diskutoi mbi statusin e Salahut gjatë vizitës së tij të fundit në Mbretëri, dhe sipas zëdhënësit Robert Palladino Pompeo “i tha qartë udhëheqësisë saudite se dëshiron që Salah të vijë në SHBA. /tesheshi.com/
