Në vazhdën e kundërshtimit dhe denoncimit të aktit të Trump për të njohur Jerusalemin si kryeqytet të Izraelit, Presidenti turk Rexhep Tajip Erdogan tha së fundi në Stamboll, se ky është një sinajl lajmërues për operacione të reja në botën islame.
Si shembull mori Turqinë duke thënë se vendi i tij është ekspozuar ndaj sulmeve dhe kërcënimeve gjatë viteve të fundit, por kjo nuk e ka penguar zhvillimin e saj.
“Ajo çfarë ka përjetuar Turqia në katër deri në pesë vitet e fundit, duhet të habisë të gjithë.” Gjatë këtij procesi, ky vend mbeti i drejtë dhe u përball me sulme të shumta, nuk u përul para kërcënimeve dhe kurtheve. Në këtë mënyrë besoj se kemi hapur një horizont drejt të ardhmes së të gjithë rajonit”, tha Erdogan.
Ai theksoi se vendi i tij nuk do të heqë dorë kurrë nga lufta e tij në Siri dhe Irak.
“Turqia nuk do të heqë dorë kurrë nga lufta e saj në Siri, Turqia kurrë nuk do të heqë dorë nga lufta e saj në Irak. Turqia kurrë nuk do të heqë dorë nga lufta kundër qëndrimit të Bashkimit Evropian ndaj saj, që është e padrejtë dhe pa respekt”, tha Erdogan.
Dhe duke cekur çështjen më të mprehtë të momentit, Erdogan tha se “vendimi për Jerusalemin është lajmërues për operacione të reja në botën islame, dhe nëse muslimanët nuk reagojnë mjaftueshëm brenda kornizave ligore, do të pasojë vazhdimi”.
“Ashtu siç nuk ka alternativë për Mekën dhe Medinën, nuk ka alternativë as për Jerusalemin. Për shkak të kësaj, nuk kemi ndërmend të heqim dorë nga ky qytet. Për shkak të kësaj, Jerusalemi është krenaria jonë, nderi ynë dhe linja jonë e kuqe. Jerusalemi tani është një provim që çdo musliman dhe çdo vend muslimane duhet ta japin”, tha Erdogan.
Ai tha gjithashtu se vendi i tij nuk do ta harrojë kurrë hipokrizinë me të cilën po ballafaqohen NATO dhe Shtetet e Bashkuara, duke aluduar në incidentin gjatë manovrave të përbashkëta ushtarake në Norvegji pak javë më parë, ku ai dhe themeluesi i Republikës së Turqisë, Kemal Ataturk u shfaqën si objektiva qitjeje. /tesheshi.com/
