Presidenti turk Rexhep Tajip Erdogan konfirmoi të premten se Ankara kishte testuar sistemin e mbrojtjes ajrore S-400, të cilin e bleu nga Rusia, duke deklaruar se nuk do të kërkonte leje nga Shtetet e Bashkuara.
Ai tha se kundërshtimet e SHBA mbi atë çështje “nuk janë të rëndësishme”, raporton Reuters.
Forcat e armatosura turke provuan S-400 në veri të vendit, afër qytetit Sinop, nga 13 deri në 17 tetor, gjë që provokoi një reagim të zemëruar nga Uashingtoni.
Uashingtoni vlerësoi se blerja e sistemit S-400 nga Rusia paraqet një kërcënim për mbrojtjen e NATO-s dhe kërcënoi Ankaranë me sanksione.
Pjesë e zgjidhjes për Nago-Karabakun
Turqia ka të njëjtën të drejtë të jetë pjesë e zgjidhjes së konfliktit Nago-Karabak si Rusia, tha Erdogan.
Ai shtoi se shpresonte që Ankaraja dhe Moska të mund të punojnë së bashku për një zgjidhje.
Duke iu drejtuar gazetarëve, Erdogan tha se Azerbajxhani ka një kërkesë të drejtë që Turqia të bashkohet me negociatat. /tesheshi.com/
